Tennıs: Andreı Golýbev juptyq synda Indıan-Ýells týrnıriniń shırek fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Indıan-Ýells ATP Masters 1000 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi germanııalyq Aleksandr Zverevpen birge ekinshi aınalymda salvadorlyq Marselo Arevalo – nıderlandylyq Jan-Jıýlen Roıermen kortqa shyqty.
Qazaqstandyq-germanııalyq jup saǵat jarymǵa sozylǵan oıynda 7:6 (7:0), 6:3 esebimen utty. Birinshisinde taı-breıkte ábjildik tanytyp, ekinshi set basynda breık jasaǵan jup sol basymdylyǵynan aıyrylǵan joq. Olar báseke barysynda 6 eıs jasap, 7 breık-poınttyń bireýin óz esepterine jazdy.
A.Golýbev pen A.Zverev jartylaı fınalǵa shyǵý úshin amerıkalyqtar Teılor Harrı Frıts – Tommı Polmen talasady.
Eske sala keteıik, budan buryn Aleksandr Býblıktiń Indıan-Ýellste Olımpıada chempıonyn utqanyn jazǵan bolatynbyz.
Sondaı-aq Elena Rybakına Aýstralııanyń eki dúrkin chempıonyn jeńdi.
