Tennıs: Andreı Golýbev juptyq synda Dýbaı týrnıriniń shırek fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Dýbaı ATP 500 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi frantsııalyq Fabrıs Martenmen birge júlde qory 2,8 mln AQSh dollaryna jýyqtaıtyn jarystyń alǵashqy aınalymynda germanııalyqtar Kevın
Kravıts – Andreas Mespen kezdesti.
A.Golýbev pen F.Marten 6:2, 6:4 esebimen jeńiske jetti.
Bir saǵattan astam ýaqytqa sozylǵan matchta olar 4 eıs jasap, 10 breık-poınttyń tórteýin paıdalandy.
Qarsylastary 1 eıs, 1 breıkpen shekteldi.
Qazaqstandyq-frantsııalyq juptyń shırek fınaldaǵy qarsylastary keıin anyqtalady.
Qazaqstannyń birinshi, álemniń 30-raketkasy Aleksandr Býblık jekeleı synda bastapqy matchta dúnıejúzilik reıtıngte 11-orynda turǵan Polsha ókili Hýbert Gýrkachtan jeńilip qaldy – 3:6, 1:6. Buǵan deıin A.Býblık juptyq synda da jarys jolynan shyǵyp qalǵan edi.
Eske sala keteıik, budan buryn Aleksandr Býblıktiń álemdegi úzdik 30 tennısshiniń qataryna kirgenin, elorda týrnırinde qazaqstandyq tennısshilerdiń qarsylastary anyqtalǵanyn
jazǵan bolatynbyz.
Sondaı-aq Jibek Qulambaeva elordada juptyq synda shırek fınalǵa shyqty.
