Tennıs: Andreı Golýbev Marokkodaǵy týrnırdiń jartylaı fınalynda
NUR-SULTAN. QazAqparat – Qazaqstandyq Andreı Golýbev juptyq synda Marrakesh (Marokko) ATP 250 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi frantsııalyq Fabrıs Martenmen birge shırek fınalda marokkolyqtar Lamın Ýahab – Ellıot Benshetrımen sheberlik baıqasty.
Jarystyń 1-raketkalary bolyp tirkelgen A.Golýbev pen F.Marten qarsylastaryn 6:3, 7:6 (7:4) esebimen utty. Bir saǵattan astam ýaqytqa sozylǵan básekede olar 6 eıs jasap, 6 breık-poınttyń bireýin paıdalana aldy.
Osylaısha Marrakesh dodasynyń jartylaı fınalynda juptyq synda qos qazaqstandyq oınaıdy.
Aleksandr Nedovesov pen pákstandyq Aısam Kýreshı brazılııalyq Rafael Matos – ıspanııalyq Davıd Vega-Ernandespen fınalǵa shyǵý úshin talasady. Al A.Golýbev pen F.Martenniń qarsylastary – ıtalııalyq Andrea Vavassorı men Polsha ókili ıAn Zelınskı.
Taǵy bir qazaqstandyq Dmıtrıı Popko Portýgalııadaǵy Oeırash chellendjer jarysynda jekeleı synda majarstandyq Jombor Pıroshtan 5:7, 4:6 esebimen jeńilis taýyp, shırek fınalǵa shyǵa almaı qaldy.
Eske sala keteıik, budan buryn qazaqstandyq tennısshilerdiń Marokkodaǵy jarystyń shırek fınalyna shyqqanyn, Elena Rybakınanyń AQSh-taǵy týrnırdiń úshinshi aınalymyna óte almaǵanyn jazǵan bolatynbyz.
Sondaı-aq Qazaqstan jasóspirimder quramasy Aýstralııaǵa jol berdi.
Aleksandr Nedovesov Marokkodaǵy týrnırdiń jartylaı fınalyna shyqty.
