Tennıs: Andreı Golýbev Indıan-Ýells týrnıriniń ekinshi aınalymyna shyqty
NUR-SULTAN. QazAqparat – Qazaqstandyq Andreı Golýbev juptyq synda Indıan-Ýells masters týrnıriniń ekinshi aınalymyna shyqty, dep habarlaıdy QazAqparat tilshisi.
A.Golýbev germanııalyq Aleksandr Zverevpen birge alǵashqy aınalymda ulybrıtanııalyq Denıel Evans – reseılik Karen Hachanovpen kezdesti.
Qazaqstandyq-germanııalyq jup 7:5, 6:3 esebimen jeńiske jetti.
A.Golýbev pen A.Zverev 1 saǵat 20 mınýtqa sozylǵan match barysynda 4 eıs jasap, 4 breık-poınttyń teń jartysyn paıdalandy. Olardyń ekinshi aınalymdaǵy qarsylastary keıin anyqtalady.
Jekeleı synda taǵy bir qazaqstandyq, dúnıejúzilik reıtıngte 154-orynda turǵan Mıhaıl Kýkýshkın birinshi aınalymda álemniń 39-raketkasy, amerıkalyq Tommı Poldan 4:6, 4:6 esebimen jeńilip qaldy. M.Kýkýshkın negizgi jarysqa irikteý saıystarynan keıin qosylǵan edi.
Qazaqstannyń birinshi, álemniń 33-raketkasy Aleksandr Býblık ekinshi aınalymda kezinde reıtıngte kósh bastaǵan, qazir 88-satydaǵy ulybrıtanııalyq Endı Marreımen sheberlik baıqasady. A.Býblık pen E.Marreı bıyl Rotterdamda kezdesip, onda ulybrıtanııalyq tennısshi 7:6 (8:6), 6:4 esebimen utyp ketken edi.
Eske sala keteıik, budan buryn ıÝlııa Pýtıntsevanyń Indıan-Ýells týrnırin jeńispen bastaǵanyn, Qazaqstan quramasynyń álemdik reıtıngide úzdik ondyqqa kirgenin jazǵan bolatynbyz.
