Tennıs: Andreı Golýbev Indıan-Ýells masters týrnıriniń fınalyna shyǵa almady
NUR-SULTAN. QazAqparat - Qazaqstandyq Andreı Golýbev juptyq synda Indıan-Ýells masters týrnıriniń fınalyna shyǵa almady, dep habarlaıdy QazAqparat tilshisi.
Qazaqstandyq tennısshi germanııalyq Aleksandr Zverevpen birge jartylaı fınalda amerıkalyqtar Djon Izner - Djek Sokpen kúsh synasty.
Amerıkalyq jup 6:3, 6:2 esebimen jeńiske jetti.
Bir saǵattaı ýaqytqa sozylǵan matchta qazaqstandyq-germanııalyq jup 3 eıs jasap, 3 breık-poınttyń birde-bireýin paıdalana almady. Qarsylastary 7 eıs, 3 breıkpen kózge tústi.
Osylaısha óz sporttyq jolynda alǵash ret masters týrnıriniń jartylaı fınalyna shyqqan A.Golýbev odan ári asa almady.
Eske sala keteıik, budan buryn Tımofeı Skatovtyń Italııadaǵy týrnırdiń jartylaı fınalyna shyqqanyn jazǵan bolatynbyz.
