Tennıs: Andreı Golýbev alǵash ret masters týrnıriniń jartylaı fınalyna shyqty
NUR-SULTAN. QazAqparat – Qazaqstannyń juptyq syndaǵy birinshi raketkasy Andreı Golýbev Indıan-Ýells masters týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi germanııalyq Aleksandr Zverevpen birge shırek fınalda amerıkalyqtar Teılor Frıts – Tommı Polmen sheberlik baıqasty.
Qazaqstandyq-amerıkalyq jup 6:4, 7:6 (7:3) esebimen jeńiske jetti. Olar saǵat jarymǵa jýyq ýaqytqa sozylǵan match barysynda 6 eıs jasap, 4 breık-poınttyń bireýin paıdalandy. Qarsylastary 6 eıske qol jetkizgenimen, 5 breık-poıntty múlt jiberdi.
A.Golýbev pen A.Zverev jartylaı fınalda amerıkalyqtar Djon Izner – Djek Sok nemese ıspanııalyq Fılısıano Lopes – grekııalyq Stefanos Tsıtsıpas juptarynyń qaı jeńgenimen kezdesedi.
Andreı Golýbev osyǵan deıin jekeleı jáne juptyq synda masters jarystarynda jartylaı fınalda oınamaǵan edi.
Eske sala keteıik, budan buryn Germanııamen matchqa qatysatyn Qazaqstan quramasy anyqtalǵanyn, Tımofeı Skatovtyń Italııadaǵy jarystyń shırek fınalyna shyqqanyn jazǵan bolatynbyz.
