Tennıs: Ámir Omarhanov Baký týrnıriniń jartylaı fınalyna shyqty
NUR-SULTAN. QazAqparat – Qazaqstandyq Ámir Omarhanov Ázerbaıjan astanasy Baký qalasynda 18 jasqa deıingiler arasynda ótip jatqan ITF Juniors týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Qaraǵandy tennıs mektebiniń 13 jasar túlegi Á.Omarhanov shırek fınalda reseılik Savelıı Shpıtamen kezdesti.
Qazaqstandyq sportshy tartysty básekede 6:3, 7:5 esebimen jeńiske jetti.
Á.Omarhanov búgin taǵy bir reseılik Vıktor Kýznetsovpen sheberlik baıqasady. Eger ony jeńse, óz sporttyq jolynda alǵash ret ITF dodasynyń fınalyna shyǵady.
Eske sala keteıik, budan buryn Tımofeı Skatov pen Dmıtrıı Popkonyń Kıev týrnıriniń shırek fınalyna shyqqanyn jazǵan bolatynbyz.
