Tennıs: Almaty týrnıriniń shırek fınalyna shyqqan oıynshylar anyqtaldy
NUR-SULTAN. QazAqparat – Almaty chellendjer týrnıriniń shırek fınalyna shyqqan tennısshiler anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkendeı, qazaqstandyqtar Dmıtrıı Popko men Denıs Evseev jekeleı synda shırek fınaldan tys qaldy.
D.Popko ekinshi aınalymda chılılik Marselo Tomas Barrıosqa 4:6, 1:6 esebimen ese jiberdi. 1 saǵat 8 mınýtqa sozylǵan matchta Popko 10 breık-poınttyń beseýin paıdalanyp, úsh eıs jasaı aldy.
D.Evseev osy dodanyń 1-raketkasy, slovakııalyq Andreı Martınnen 4:6, 2:6 esebimen utylyp qaldy.
Osylaısha ótken aptada Almatydaǵy birinshi chellendjer týrnırinde Tımofeı Skatov fınalǵa deıin jetse, bul joly qazaqstandyqtar sátsiz óner kórsetti.
Esesine jas tennısshiler Dostanbek Tashbolatov pen Beıbit Jýkaev qarsylastary kortqa shyqpaǵandyqtan, juptyq synda shırek fınalǵa ótti. Olar jartylaı fınalǵa shyǵý úshin reseılikter Taımýraz Gabashvılı – Pavel Kotovpen talasady.
Eske sala keteıik, budan buryn Aleksandr Býblıktiń London týrnırin jeńispen bastaǵanyn, Elena Rybakınanyń Berlın jarysynyń ekinshi aınalymyna shyqqanyn jazǵan bolatynbyz.
