Tennıs: álemniń burynǵy birinshi raketkasy 21 jasar sportshydan jeńilip qaldy
ASTANA. QazAqparat - Búgin tennısten Melbýrn qalasynda ótip jatqan Avstralııa ashyq chempıonatynda kútpegen oqıǵalar tirkeldi, dep habarlaıdy «QazAqparat» tilshisi.
Álemniń burynǵy birinshi raketkasy, Avstralııa chempıonatynyń alty dúrkin jeńimpazy, ataqty serbııalyq tennısshi Novak Djokovıch Azııanyń jaryq juldyzy, 21 jasar ońtústikkoreıalyq Chhýn Hennen utylyp qaldy. Tamasha oınaǵan Ch.Hen 3 saǵat 24 mınýtqa sozylǵan matchta 7:6 (7:4), 7:5, 7:6 (7:3) esebimen jeńiske jetti. Sóıtip ol Ońtústik Koreıa eliniń tarıhynda tuńǵysh ret Avstralııa birinshiliginiń shırek fınalyna joldama aldy.
Bir qyzyǵy, Ch.Hen bala kezinde N.Djokovıchti pir tutqan kórinedi. Endi onyń shırek fınaldaǵy qarsylasy - amerıkalyq Tennıs Sandgren. Dúnıejúzilik reıtıngte 97-inshi orynda turǵan T.Sandgren de búgin sensatsııa jasap, Avstralııa eliniń basty úmiti, osy týrnırdiń besinshi raketkasy Domınık Tımdi asa tartysty matchta utyp ketti. Tórt saǵatqa jýyq ýaqytqa sozylǵan kezdesýde amerıkalyq tennısshi 6:2, 4:6, 7:6 (7:4), 6:7 (7:9), 6:3 esebimen jeńiske jetti. Endi kútpegen nátıjege qol jetkizgen qos sportshy sársenbi kúni ózara kezdesip, jartylaı fınal joldamasyn sarapqa salady.
Aıta keteıik, Avstralııa chempıonatynda erler arasyndaǵy jekeleı synǵa Qazaqstannan jalǵyz qatysqan Mıhaıl Kýkýshkın alǵashqy aınalymnan asa almaǵan bolatyn.
