Tennıs: Aleksandr Nedovesov juptyq synda Kıev týrnıriniń jeńimpazy atandy
NUR-SULTAN. QazAqparat - Qazaqstandyq Aleksandr Nedovesov juptyq synda Kıev chellendjer týrnıriniń jeńimpazy atandy, dep habarlaıdy QazAqparat tilshisi.
Qazaqstandyq tennısshi brazılııalyq Orlando Lýjben birge fınalda ýkraınalyqtar Denıs Molchanov - Sergeı Stahovskıımen kúsh synasty.
Qazaqstandyq-brazılııalyq jup 6:4, 6:4 esebimen jeńiske jetti.
Olar bir saǵattan astam ýaqytqa sozylǵan matchta 3 eıs jasap, 11 breık-poınttyń úsheýin paıdalana bildi. Qarsylastary 1 eıs, 1 breıkpen (9 breık-poınt) shekteldi.
Osylaısha A.Nedovesov juptyq synda óz sporttyq jolyndaǵy 22-inshi, bıylǵy maýsymdaǵy jetinshi tıtýlyna qol jetkizdi.
Eske sala keteıik, budan buryn Anna Danılınanyń Frantsııada ótken týrnırdiń jeńimpazy atanǵanyn, Tımofeı Skatovtyń Kıev jarysynyń fınalyna shyǵa almaǵanyn jazǵan bolatynbyz.
