14:21, 12 Maýsym 2019 | GMT +5
Tennıs: Aleksandr Nedovesov Shymkent týrnırin jeńispen bastady
NUR-SULTAN. QazAqparat - Qazaqstandyq tennısshi Aleksandr Nedovesov Shymkent chellendjer týrnırin jeńispen bastady, dep habarlaıdy QazAqparat tilshisi.

Jarysqa ekinshi aınalymnan qosylǵan, 7-raketka bolyp tirkelgen A.Nedovesov dúnıejúzilik reıtıngte 246-orynda turǵan frantsııalyq Gleb Saharovpen kezdesti. Birinshi partııa G.Saharovtyń enshisinde ketti - 7:5. Esesine ekinshi sette qazaqstandyq tennısshiniń basymdylyǵy aıqyn baıqaldy - 6:1. Úshinshi, sheshýshi partııa tartysty órbip, taı-breıkke ulasty. Onda A.Nedovesov matchty jeńispen aıaqtaı bildi - 7:6 (8:6).
Báseke 2 saǵat 39 mınýtqa sozyldy.
A.Nedovesov Shymkent týrnıriniń shırek fınalyna shyǵý úshin kanadalyq Stıven Dıas nemese otandasy Andreı Golýbevtiń bireýimen talasady.
Eske sala keteıik, budan buryn Mıhaıl Kýkýshkın Hertogenbos týrnıriniń ekinshi aınalymyna shyqqan bolatyn.