Tennıs: Aleksandr Nedovesov Nur-Sultan týrnırin jeńispen bastady
NUR-SULTAN. QazAqparat – Qazaqstandyq Aleksandr Nedovesov elordada ótip jatqan Forte Challenger 100 irikteý saıysynyń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Nedovesov alǵashqy kezdesýin reseılik Savrıan Danılovpen ótkizdi.
Qazaqstandyq tennısshi 1 saǵat 33 mınýtqa sozylǵan matchta 6:4, 6:4 esebimen jeńiske jetti. Ol báseke barysynda úsh breık jasaı aldy.
Negizgi týrnırge ótý úshin A.Nedovesov ózbekstandyq Sergeı Fomın nemese ýkraınalyq Vladıslav Manafovtyń bireýimen talasady.
Іrikteý saıysynda taǵy bir qazaqstandyq Danıl Ozernoı reseılik Ivan Nedelkoǵa 4:6, 0:6 esebimen ese jiberdi.
Sondaı-aq Grıgorıı Lomakın de reseılik Alekseı Zaharovtan 2:6, 3:6 esebimen utylyp qaldy.
Eske sala keteıik, budan buryn elordada ótetin dodada qazaqstandyq tennısshilerdiń qarsylastary anyqtalǵanyn, sondaı-aq juptyq syn jerebesi tartylǵanyn, Aleksandr Býblıktiń Sıngapýr týrnırine qatysatynyn jazǵan bolatynbyz.
