Tennıs: Aleksandr Nedovesov Melbýrn týrnıriniń fınalyna deıin jetti
NUR-SULTAN. QazAqparat - Qazaqstandyq Aleksandr Nedovesov juptyq synda sporttyq jolynda alǵash ret ATP 250 týrnıriniń fınalyna deıin jetti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Nedovesov pákstandyq Aısham Kýreshımen birge Melbourne Summer Set jarysynyń altynshy raketkalary bolyp tirkeldi.
Qazaqstandyq-pákstandyq jup fınalda osy dodanyń 1-raketkalary, nıderlandylyq Ýeslı Koolhof - ulybrıtanııalyq Nıl Skýpskımen bas júldeni sarapqa salyp, 4:6, 4:6 esebimen jol berdi.
Nedovesov pen Kýreshı saǵat jarymǵa jýyq ýaqytqa sozylǵan báseke barysynda 2 eıs jasap, 2 breıkke qol jetkizdi.
Bul A.Nedovesovtiń ATP týrnırlerindegi alǵashqy fınaly edi.
Eske sala keteıik, budan buryn Elena Rybakınanyń Adelaıda týrnıriniń fınalynda jeńilip qalǵanyn, qazaqstandyq tennısshilerdiń Aýstralııa ashyq chempıonatynyń irikteý saıystaryn sátti bastaǵanyn jazǵan bolatynbyz.
Qazaqstandyq tennısshiler Aýstralııa ashyq chempıonatynyń irikteý saıysyn sátti bastady.
