Tennıs: Aleksandr Nedovesov Marokkodaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyq Aleksandr Nedovesov juptyq synda Marrakesh (Marokko) ATP 250 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi pákstandyq Aısam Kýreshımen birge shırek fınalda ıtalııalyqtar Marko Chekkınato – Lorentso Mýzettımen kúsh synasty.
Qazaqstandyq-pákstandyq jup birinshi partııada breık jasaý arqyly basymdylyǵyn tanytty – 7:5.
Ekinshi sette esep 4:3 bolǵan mezette taǵy bir breıkke qol jetkizip, matchty jeńispen támamdady – 6:3.
Bir saǵattan astam ýaqytqa sozylǵan báseke barysynda Nedovesov pen Kýreshı 3 eıspen birge 7 breık-poınttyń ekeýin paıdalana bildi. Olardyń jartylaı fınaldaǵy qarsylastary búgin anyqtalady.
Eske sala keteıik, budan buryn qazaqstandyq tennısshilerdiń Marokkodaǵy jarystyń shırek fınalyna shyqqanyn, Elena Rybakınanyń AQSh-taǵy týrnırdiń úshinshi aınalymyna óte almaǵanyn jazǵan bolatynbyz.
Sondaı-aq Qazaqstan jasóspirimder quramasy Aýstralııaǵa jol berdi.
