Tennıs: Aleksandr Býblıktiń Monte-Karlo masters týrnırindegi qarsylasy anyqtaldy
NUR-SULTAN. QazAqparat – Qazaqstannyń birinshi, álemniń 37-raketkasy Aleksandr Býblıktiń Monte-Karlo masters týrnırindegi qarsylasy anyqtaldy, dep habarlaıdy QazAqparat tilshisi.
A.Býblık alǵashqy aınalymda qazirgi kezde dúnıejúzilik 236-orynda turǵan shveıtsarııalyq, «Úlken dýlyǵa» týrnırleriniń úsh dúrkin jeńimpazy Stanıslas Vavrınkamen sheberlik baıqasady.
Ótken jyly osy iri jarysta qazaqstandyq tennısshi bastapqy kezdesýinde-aq súringen bolatyn.
Bıyl Monte-Karlo dodasy 10-17 sáýir aralyǵynda ótedi. Onda álemniń 1-raketkasy, serbııalyq Novak Djokovıch bastaǵan mańdaıaldy tennısshiler óner kórsetedi.
Eske sala keteıik, budan buryn Anna Danılınanyń Charlston týrnırin jeńispen bastaǵanyn, qazaqstandyq tennısshilerdiń Marokkodaǵy jarystyń fınalyna shyǵa almaǵanyn jazǵan bolatynbyz.
