Tennıs: Aleksandr Býblık jańa maýsymdy Antalııada bastaıdy
NUR-SULTAN. QazAqparat – Qazaqstannyń birinshi, álemniń 50-raketkasy Aleksandr Býblık jańa maýsymdy Antalııada bastaıdy, dep habarlaıdy QazAqparat tilshisi.
Júlde qory 300 myń eýroǵa baǵalanǵan Antalııa ATP 250 týrnıri 7-13 qańtar aralyǵynda ótedi.
Qazaqstandyq tennısshi alǵashqy aınalymda dúnıejúzilik reıtıngte 76-orynda turǵan ıtalııalyq Salvatore Karýzomen kúsh synasady.
Taǵy bir qazaqstandyq, reıtıngte 776-satyda turǵan Andreı Golýbev irikteý saıystarynyń jartylaı fınalynda álemniń 313-raketkasy, slovakııalyq Aleks Molchanmen sheberlik baıqasady. A.Golýbev A.Molchannan keıin taǵy bir tennısshini utsa, ol da negizgi týrnırge joldama alady.
Sonymen qatar A.Býblıktiń 31 qańtar – 6 aqpan aralyǵynda ótetin Melbýrn dodasyna qatysatyny da belgili boldy. Bıyl bul týrnır Adelaıdadaǵy dodanyń ornyna ótedi. Al 8 aqpanda «Úlken dýlyǵanyń» bıylǵy alǵashqy dodasy – Aýstralııa ashyq chempıonaty bastalady.
Eske sala keteıik, budan buryn qazaqstandyq tennısshilerdiń Ábý-Dabı týrnırindegi qarsylastary belgili bolǵanyn jazǵan edik.
Bul týrnırdiń irikteý satysynda Anna Danılına qytaılyq ıAn Chjaosıýanmen kortqa shyqty. Qazaqstandyq tennısshi birinshi partııada 6:3 esebimen utqanymen, sol qarqynyn jalǵastyra almady. Qalǵan eki sette qytaılyq sportshy 7:6 (7:4), 6:4 esebimen jeńiske jetti. Osylaısha A.Danılına negizgi dodadan tys qaldy.
