Tennıs: Aleksandr Býblık Vena týrnırinde utylyp qaldy
ORAL. QazAqparat – Qazaqstannyń birinshi, álemniń 51-raketkasy Aleksandr Býblık Vena ATP týrnırinde utylyp qaldy, dep habarlaıdy QazAqparat tilshisi.
A.Býblık alǵashqy aınalymda álemniń 22-raketkasy, reseılik Andreı Rýblevpen kezdesti.
Qazaqstandyq tennısshi osy týrnırdiń 6-raketkasy bolyp tirkelgen, biraq jaraqatyna baılanysty jarysqa qatysa almaǵan kanadalyq Felıks Oje-Alıassımniń ornyna shyqty. ıAǵnı A.Býblık irikteý saıystarynyń fınalynda jeńilip qalǵanymen, negizgi týrnırge lakı-lýzer retinde shaqyrtý aldy.
Birinshi partııada reseılik sportshy des bermedi – 6:1.
Ekinshi sette de 3:1 esebimen alǵa shyqty. A.Býblık qaıyra breık jasap, tarazy basyn teńestirdi. Tartysty ótken partııa taı-breıkke deıin jetti. Munda A.Býblık basymdylyq tanytty – 7:6 (7:3).
Úshinshi, sheshýshi partııany reseılik tennısshi breıkpen bastady – 2:0. Degenmen qazaqstandyq sportshy da qalyspaı, esepti teńestire aldy. Taı-breıkte A.Rýblevtiń joly boldy – 7:6 (8:6).
Tartysty báseke 2 saǵat 20 mınýtqa sozyldy.
Budan bir apta buryn, 15 qazan kúni Máskeýde «Kreml kýbogynyń» alǵashqy aınalymynda qos tennısshi ózara sheberlik baıqasyp, onda da A.Rýblev (6:1, 3:6, 6:4) jeńiske jetken edi. Keıin ol osy dodanyń chempıony atandy.
A.Rýblev ekinshi aınalymda reıtıngide 139-satydaǵy ońtústikkoreıalyq Chhýn Henmen kortqa shyǵady.
Eske sala keteıik, budan buryn M.Kýkýshkınniń Vena týrnırin jeńispen bastaǵanyn jazǵan bolatynbyz.
