Tennıs: Aleksandr Býblık Sıngapýr týrnıriniń fınalynda utylyp qaldy
NUR-SULTAN. QazAqparat - Qazaqstannyń birinshi, álemniń 46-raketkasy Aleksandr Býblık Sıngapýr týrnıriniń fınalynda utylyp qaldy, dep habarlaıdy QazAqparat tilshisi.
Qazaqstandyq tennısshi fınalda dúnıejúzilik reıtıngte 114-orynda turǵan aýstralııalyq Alekseı Popyrınmen chempıondyq ataqty sarapqa saldy.
Birinshi partııada breık jasaǵan Býblık sol basymdylyǵyn saqtaı aldy - 6:4.
Alaıda sodan keıin oıyn tizginin qarsylasyna berip qoıdy - 0:6, 2:6.
Fınaldyq báseke 1 saǵat 25 mınýtqa sozyldy.
Osylaısha A.Býblık óziniń sporttyq jolynda tórtinshi fınalynda jeńildi. Budan buryn Nıýport, Chendý, Antalııada sońǵy básekede ese jibergen edi.
Eske sala keteıik, budan buryn A.Býblıktiń Sıngapýrda fınalǵa shyqqanyn, ıA.Shvedovanyń Doha týrnıriniń irikteý saıysyn sátti bastaǵanyn jazǵan bolatynbyz.
Sondaı-aq elordada chellendjer týrnırindegi qazaqstandyq tennısshilerdiń qarsylastary anyqtaldy.
