Tennıs: Aleksandr Býblık Sıngapýr týrnırine qatysady
NUR-SULTAN. QazAqparat – Qazaqstannyń birinshi, álemniń 45-raketkasy Aleksandr Býblık Singapore Tennis Open týrnırine qatysady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, ATP jarysy 22-28 aqpan aralyǵynda ótedi.
Dodanyń 4-raketkasy bolyp tirkelgen A.Býblık týrnırdi ekinshi aınalymnan bastaıdy. Qazaqstandyq tennısshi japonııalyq Shıntaro Mochıdzýkı nemese irikteý saıysynda úzdik shyqqan tennısshiniń bireýimen sheberlik talastyrady.
Qazirgi kezde irikteý saıystary ótip jatqan Sıngapýr jarysynda frantsııalyq Adrıan Mannarıno, aýstralııalyq Djon Mıllman, horvatııalyq Marın Chılıch syndy tanymal tennısshiler baq synaıdy.
Eske sala keteıik, budan buryn elordada ótetin týrnırde qazaqstandyq tennısshilerdiń qarsylastary anyqtalǵanyn, sondaı-aq juptyq syn jerebesi tartylǵanyn jazǵan bolatynbyz.
