Tennıs: Aleksandr Býblık Portýgalııadaǵy týrnırde jeńilip qaldy
ORAL. QazAqparat – Qazaqstannyń birinshi, álemniń 43-raketkasy Aleksandr Býblık Eshtorıl (Portýgalııa) ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.
A.Býblık alǵashqy aınalymda dúnıejúzilik reıtıngte 100-orynda turǵan, negizgi jarysqa irikteý saıystarynan keıin qosylǵan ıspanııalyq Pedro Martınespen kezdesti.
Birinshi partııada breık jasaǵan P.Martınes sol basymdyǵyn saqtap qaldy – 6:3.
Ekinshi sette ıspanııalyq tennısshi A.Býblıkke birde-bir geım bergen joq – 6:0.
Báseke 52 mınýtqa sozyldy.
P.Martınes ekinshi aınalymda álemniń 50-raketkasy, ulybrıtanııalyq Kemeron Norrı nemese reıtıngte 103-satydaǵy portýgalııalyq Jýan Soýzanyń bireýimen sheberlik baıqasady.
Eske sala keteıik, budan buryn E.Rybakına men Z.Dııastiń reıtıngide joǵary kóterilgenin, qazaqstandyq tennısshiniń Mysyrdaǵy týrnırde jeńimpaz atanǵanyn jazǵan bolatynbyz.
Sondaı-aq Zarına Dııas Madrıd týrnıriniń irikteý saıysyn sátti bastady.
