Tennıs: Aleksandr Býblık Monpele týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 35-raketkasy Aleksandr Býblık Monpele (Frantsııa) ATP 250 týrnırin jeńispen bastady, dep habarlaıdy QazAqparat tilshisi.
Osy jarystyń 6-raketkasy bolyp tirkelgen A.Býblık alǵashqy kezdesýin álemdik reıtıngte 62-orynda turǵan nıderlandylyq Tallon Grıkspýrmen ótkizdi.
Taı-breıkke deıin barǵan eki sette qazaqstandyq tennısshi sheshýshi sátterde sátti oınaı bildi – 7:6 (7:4), 7:6 (7:5).
Eki saǵatqa jýyq ýaqytqa sozylǵan tartysty matchta A.Býblık 20 eıs jasap, 9 breık-poınttyń bireýin ǵana paıdalana aldy. Qarsylasy 9 eıs, 1 breıkpen (2 breık-poınt) shekteldi.
A.Býblık ekinshi aınalymda álemniń 96-raketkasy, germanııalyq Peter Goevchık nemese reıtıngte 113-satydaǵy frantsııalyq Per-ıÝg Erberdiń bireýimen kúsh synasady.
Taǵy bir qazaqstandyq Mıhaıl Kýkýshkın irikteý saıystarynyń fınalynda dál osy Erberge ese jiberip, negizgi dodaǵa qosyla almaı qalǵan bolatyn.
Júlde qory 430 myń eýroǵa jýyqtaıtyn Monpele jarysy 6 aqpanda márege jetedi.
Eske sala keteıik, budan buryn Anna Danılınanyń reıtıngide 25-orynǵa kóterilgenin, Aýstralııa ashyq chempıonatynda qazaqstandyq tóreshilerdiń alǵash ret jasóspirimder týrnıriniń fınalynda qazylyq etkenin jazǵan bolatynbyz.
