Tennıs: Aleksandr Býblık Marsel týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 55-raketkasy Aleksandr Býblık Marsel (Frantsııa) ATP týrnırin jeńispen bastady, dep habarlaıdy QazAqparat tilshisi.
A.Býblık alǵashqy aınalymda reıtıngte 73-orynda turǵan majarstandyq Marton Fýchovıchpen kezdesti.
Qazaqstandyq tennısshi 6:4, 7:5 esebimen jeńiske jetti.
Báseke 1 saǵat 24 mınýtqa sozyldy.
A.Býblık Marsel (júlde qory – 769 670 eýro) jarysynyń shırek fınalyna shyǵý úshin álemniń 20-synshy, osy dodanyń 6-raketkasy, frantsııalyq Benýa Permen talasady.
Taǵy bir qazaqstandyq, reıtıngte 69-oryndaǵy Mıhaıl Kýkýshkın alǵashqy kezdesýin ózinen on saty tómen turǵan frantsııalyq Per-ıÝg Erbermen ótkizedi.
Ótken jyly osy týrnırde M.Kýkýshkın fınalǵa deıin jetip, onda grekııalyq Stefanos Tsıtsıpastan utylyp qalǵan bolatyn. S.Tsıtsıpas bıyl chempıondyq ataǵyn qorǵaıdy.
Eske sala keteıik, budan buryn E.Rybakınanyń reıtıngte úzdik 20 tennısshiniń qataryna engenin jazǵan bolatynbyz.
