Tennıs: Aleksandr Býblık Madrıd masters týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 43-raketkasy Aleksandr Býblık Madrıd masters týrnıriniń ekinshi aınalymyna shyqty, dep habarlaıdy QazAqparat tilshisi.
A.Býblık alǵashqy aınalymda álemniń 39-raketkasy, majarstandyq Marton Fýchovıchpen kezdesti.
Qazaqstandyq tennısshi 23-te bolsa, tájirıbelirek qarsylasy 29 jasta edi.
Tartysty órbigen birinshi partııa máselesi taı-breıkte sheshilip, onda A.Býblık sheberlik tanytty – 7:6 (7:5).
Ekinshi sette qazaqstandyq sportshy 3:0 esebimen alǵa ketti.
Aqyry ol osy basymdylyǵynan aıyrylǵan joq – 6:3.
Báseke saǵat jarymǵa jýyq ýaqytqa sozyldy.
A.Býblık ekinshi aınalymda álemniń 14-raketkasy, kanadalyq Denıs Shapovalovpen sheberlik baıqasady. Ol bastapqy kezdesýinde reıtıngte 37-oryndaǵy serbııalyq Dýshan Laıovıchti 6:1, 6:3 esebimen jeńdi.
Taǵy bir qazaqstandyq Mıhaıl Kýkýshkın Madrıd jarysynyń irikteý saıystarynan asa almady.
Eske sala keteıik, budan buryn Aleksandr Býblıktiń Madrıd masters týrnırindegi qarsylasy anyqtalǵanyn, qazaqstandyq tennısshiniń AQSh-taǵy týrnırdiń jeńimpazy atanǵanyn jazǵan bolatynbyz.
