Tennıs: Aleksandr Býblık London týrnırin jeńispen bastady
ORAL. QazAqparat – Qazaqstannyń birinshi, álemniń 39-raketkasy Aleksandr Býblık London ATP 500 týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 59-raketkasy, frantsııalyq Jeremı Shardımen kezdesti.
A.Býblık 1 saǵat 43 mınýtqa sozylǵan tartysty matchta 6:4, 3:6, 6:3 esebimen jeńiske jetti.
Qazaqstandyq tennısshi báseke barysynda 24 eıs jasap, 6 breık-poınttyń úsheýin paıdalandy. Qarsylasy 7 eıs, 2 breıkpen shekteldi.
A.Býblık júlde qory 1,3 mln eýroǵa jýyqtaıtyn jarystyń shırek fınalyna shyǵý úshin dúnıejúzilik reıtıngte 309-orynda turǵan ulybrıtanııalyq Djek Dreıpermen talasady. Ol álemniń 23-inshi, osy aıtýly dodanyń 3-raketkasy, 19 jastaǵy ıtalııalyq ıAnnık Sınnerdi 7:6, 7:6 esebimen utyp ketti.
London dodasy 20 maýsymda márege jetedi.
Eske sala keteıik, budan buryn Qazaqstannan Olımpıadaǵa qatysatyn tennısshilerdiń anyqtalǵanyn, Denıs Evseevtiń Almaty týrnıriniń ekinshi aınalymyna shyqqanyn jazǵan bolatynbyz.
