Tennıs: Aleksandr Býblık Dýbaı týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 44-raketkasy Aleksandr Býblık Dýbaı ATP 500 týrnıriniń ekinshi aınalymyna shyqty, dep habarlaıdy QazAqparat tilshisi.
A.Býblık alǵashqy aınalymda reıtıngte 59-orynda turǵan japonııalyq Esıhoto Nısıokamen kezdesedi.
Birinshi partııada qazaqstandyq tennısshi breıkpen alǵa shyǵyp, sol basymdylyǵyn saqtap qaldy – 6:4.
Tartysty órbigen ekinshi set basynda qarsylastar breıkpen almasty. Aqyry taı-breıkte A.Býblık jeńisti julyp aldy – 7:6 (7:4).
Báseke 1 saǵat 24 mınýtqa sozyldy.
Qazaqstandyq sportshy budan buryn Sıngapýr týrnırinde de E.Nısıokany utqan bolatyn.
A.Býblık ekinshi aınalymda álemniń 34-inshi, osy dodanyń 16-raketkasy, ıtalııalyq ıAnnık Sınnermen sheberlik baıqasady.
Jarysqa irikteý saıystary arqyly ótken taǵy bir qazaqstandyq Mıhaıl Kýkýshkınniń qarsylasy anyqtaldy.
Ol álemniń 37-raketkasy, germanııalyq ıAn-Lennard Shtrýffpen kúsh synasady.
Júlde qory 2 mln AQSh dollarynan asatyn týrnır 20 naýryzda aıaqtalady.
Eske sala keteıik, budan buryn M.Kýkýshkınniń negizgi týrnırge joldama alǵanyn jazǵan bolatynbyz.
