Tennıs: Aleksandr Býblık Bratıslavadaǵy «Chellendjerdiń» ekinshi aınalymyna ótti
ASTANA. QazAqparat - Qazaqstandyq tennısshi Aleksandr Býblık Bratıslava (Slovakııa) qalasynda ótip jatqan iri «Chellendjer» týrnıriniń ekinshi kezeńine shyqty, dep habarlaıdy QazAqparat Qazaqstannyń Tennıs federatsııasyna silteme jasap.
Jarystyń júlde qory - 106 000 eýro.
Týrnırdiń bastapqy matchynda qazaqstandyq tennısshi slovakııalyq Andreı Martındi 2:6,6:3,7:5 esebimen jeńdi. Kelesi aınalymda Aleksandr Býblık ıtalııalyq tennısshi Lorentso Sonegomen synǵa túsedi.
ATP Challenger álemdik týry - Kásibı tennısshiler qaýymdastyǵy (ATR) uıymdastyratyn kásibı jarystar toptamasy. Sońǵy jyldary álemniń 40 elinde 150-den astam «chellendjer» uıymdastyrylyp júr.
