Tennıs: Aleksandr Býblık Barselonada, Zarına Dııas Ystanbulda oınaıdy
NUR-SULTAN. QazAqparat – Qazaqstandyqtar Aleksandr Býblık Barselonada, Zarına Dııas Ystanbulda ótetin týrnırlerge qatysady, dep habarlaıdy QazAqparat tilshisi.
Qazaqstannyń birinshi, álemniń 42-raketkasy A.Býblık 19-25 sáýir aralyǵynda ótetin Barselona ATP 500 týrnırinde óner kórsetedi.
Qazaqstandyq tennısshi alǵashqy aınalymda reıtıngide 58-orynda turǵan ıspanııalyq Alehandro Davıdovıch Fokınamen kortqa shyǵady.
Dodada ıspanııalyq Rafael Nadal, grekııalyq Stefanos Tsıtsıpas, reseılik Andreı Rýblev sekildi myqty tennısshiler oınaıdy.
Taǵy bir qazaqstandyq Mıhaıl Kýkýshkın Barselonada irikteý saıystarynan asa almady.
19-25 sáýir aralyǵynda sondaı-aq Ystanbulda áıelder arasynda WTA 250 týrnıri ótedi.
Júlde qory 235 myń AQSh dollarynan asatyn jarysta qazaqstandyq, reıtıngide 90-oryndaǵy Zarına Dııas álemniń 64-raketkasy, asa tájirıbeli estonııalyq Kaııa Kanepımen sheberlik baıqasady. Budan buryn K.Kanepıdi Maıamıdegi masters týrnırinde Qazaqstannyń birinshi, álemniń 23-raketkasy Elena Rybakına 6:4, 6:0 esebimen utqan bolatyn.
Eske sala keteıik, budan buryn tennısten Qazaqstan áıelder quramasynyń Argentınany jeńgenin jazǵan bolatynbyz.
Munda Z.Dııas kezdesýlerge qatyspasa da, quramada bolyp, komandalastaryna qoldaý kórsetti.
