Tennıs: Aleksandr Býblık Antalııa týrnırin sátti bastady
NUR-SULTAN. QazAqparat – Qazaqstannyń birinshi, álemniń 50-raketkasy Aleksandr Býblık Antalııa ATP 250 týrnırin sátti bastady, dep habarlaıdy QazAqparat tilshisi.
Osy týrnırdiń 8-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 76-orynda turǵan ıtalııalyq Salvatore Karýzomen kúsh synasty.
Matchty sátti bastaǵan Býblık birden breıkpen alǵa shyqty – 2:0. Ol birinshi partııada osy basymdylyǵynan aıyryla qoıǵan joq – 6:3.
Ekinshi sette esep 3:2 bolǵan mezette qazaqstandyq sportshy breık jasaı aldy – 4:2. Aqyry matchty jeńispen aıaqtady – 6:3.
Báseke 1 saǵat 8 mınýtqa sozyldy.
A.Býblık júlde qory 300 myń eýroǵa baǵalanǵan dodanyń ekinshi aınalymynda Belarýs eliniń ókili, álemniń 78-raketkasy Egor Gerasımov nemese reıtıngte 271-satydaǵy frantsııalyq Trıstan Lamazınniń bireýimen kezdesedi.
Eske sala keteıik, budan buryn ıÝlııa Pýtıntsevanyń Ábý-Dabı týrnırin jeńispen bastaǵanyn, Zarına Dııastyń utylyp qalǵanyn, Elena Rybakınanyń ekinshi aınalymǵa shyqqanyn jazǵan edik.
Al ıAroslava Shvedova jeńilip qaldy.
