Tennıs: A.Radvanska V.Azarenkony tuǵyrdan taıdyrdy
ORAL. 22 qańtar. QazAqparat - Búgin tennısten Avstralııanyń ashyq chempıonatynda áıelder arasynda jartylaı fınalǵa shyqqandar túgel belgili boldy.
Polıak tennısshisi Agneshka Radvanska úsh partııada (6:3, 5:7, 6:0) álemniń ekinshi raketkasy, buǵan deıin 2012-2013 jyldary Avstralııa birinshiliginiń qos dúrkin jeńimpazy atanǵan belorýssııalyq Vıktorııa Azarenkony tize búktirip, tuǵyrdan taıdyrdy. Bul oıynǵa A.Radvanskanyń tyńǵylyqty daıyndalyp kelgeni, oıyn taktıkasyn sheber qura bilgeni kórinip turdy. Polıak qyzy jartylaı fınalda búgin rýmynııalyq Sımona Halepti 6:3, 6:0 esebimen ońaı jeńgen slovakııalyq Domınıka Tsıbýlkovamen kezdesedi. Kelesi jartylaı fınal juby - qytaılyq tájirıbeli tennısshi Lı Na men kanadalyq 19 jasar Ejenı Býshar. Bulardyń ishinde álem birinshiligimen birdeı bolyp esepteletin «Úlken dýlyǵany» utqan Lı Na ǵana. Ol 2011 jyly qytaı qyzdary arasynda tuńǵysh ret Rolan Garros chempıony atanǵan bolatyn. Qalǵan úsh úmitker «Úlken dýlyǵa» bıigine kóterilip kórgen joq. Sóıtip bıyl Avstralııanyń jańa chempıony belgili bolmaq.
