Tennıs: A.Golýbevti utqan B.Chorıch R.Nadaldy da jeńip ketti
ASTANA. QazAqparat - Shveıtsarııanyń Bazel qalasynda tennısten ótip jatqan halyqaralyq týrnırde álemniń ekinshi raketkasy, ıspandyq Rafael Nadal shırek fınalda aıaq astynan horvat Borna Chorıchten utylyp qaldy.
Álemdik reıtıngte 124-inshi orynda turǵan Zagreb qalasynyń 17 jasar túlegi ataqty qarsylasyn 6:2, 7:6 esebimen jeńdi. B.Chorıch úsh ret breık jasap, bir márte ózi dop bergen geımde ese jiberdi. Horvat tennısshisi osy jarys barysynda týrnırdiń altynshy raketkasy, latvııalyq Ernest Gýlbısti, sodan keıin qazaqstandyq tennısshi Andreı Golýbevti 6:4, 6:4 esebimen tize búktirgen bolatyn. Endi B.Chorıch óz ómirinde alǵash ret ATP týrnıriniń fınalyna shyǵý úshin osy jarystyń jetinshi raketkasy, belgııalyq Davıd Goffenmen sheberlik baıqasady. Eske sala keteıik, Bazel týrnırinde M.Kýkýshkın de ekinshi aınalymnan asa almaǵan bolatyn.
