Tennıs: 17 jasar sportshy «Rolan Garros» chempıonyn utyp ketti
NUR-SULTAN. QazAqparat - Amerıkalyq, 17 jasar sportshy Amanda Anısımova «Rolan Garros» týrnıriniń ótken jylǵy chempıony, álemniń 3-raketkasy, rýmynııalyq Sımona Halepti utyp ketti, dep habarlaıdy QazAqparat tilshisi.
A.Anısımova dúnıejúzilik reıtıngte 51-orynda tursa, kezinde 1-raketka retinde kósh bastaǵan S.Halep 2018 jylǵy fınalda amerıkalyq Sloan Stıvensti utqan edi.
Soǵan qaramastan, búgin jas tennısshi ataqty qarsylasyn 6:2, 6:4 esebimen jeńdi.
Báseke bir saǵattan astam ýaqytqa sozyldy.
Amanda Anısımovanyń túbi reseılik, ata-anasy Reseıden AQSh-qa kóship barǵannan keıin 2001 jyly 31 tamyzda dúnıege kelgen tennısshi.
Osylaısha aıdy aspanǵa shyǵarǵan A.Anısımova jartylaı fınalda álemniń 8-raketkasy, aýstralııalyq Eshlı Bartımen kezdesedi. Ekinshi jartylaı fınalda chehııalyq, 19 jasar Marketa Vondroýshova ulybrıtanııalyq Iohanna Kontamen kúsh synasady.
Bulardyń tórteýi de - buryn «Úlken dýlyǵa» týrnırinde jeńimpaz atanbaǵandar.
Bıyl Frantsııa ashyq chempıonatyna qatysqan ıÝlııa Pýtıntseva men Elena Rybakına alǵashqy, Zarına Dııas ekinshi aınalymnan asa almady. Sondaı-aq erler arasynda Mıhaıl Kýkýshkın bastapqy kezdesýinde-aq súrinse, Aleksandr Býblık úshinshi aınalymǵa óte almady. Esesine M.Kýkýshkın belgııalyq Ioran Flıgenmen birge juptyq synda «Rolan Garrostyń» shırek fınalyna deıin jetti.
Eske sala keteıik, budan buryn qazaqstandyq Aleksandr Nedovesovtiń Almaty týrnıriniń shırek fınalyna shyqqanyn, ıÝ.Pýtıntsevanyń «Aı jańalyǵy» atalymy boıynsha úzdik úshtikke ilikkenin jazǵan bolatynbyz.
