Tennıs: 14 jasar Zara Dárken Eýropada úzdik sheteldik oıynshy atandy
NUR-SULTAN. QazAqparat – Qazaqstandyq Zara Dárken 14 jasqa deıingiler arasynda Eýropa tennıs qaýymdastyǵynyń 2021 jyldaǵy úzdik sheteldik oıynshysy atandy, dep habarlaıdy QazAqparat QTF baspasóz qyzmetine silteme jasap.
Aqtóbe oblysynyń túlegi Zara Dárken bıylǵy maýsymda úzdik 20 oıynshynyń qataryna kirdi. Týrnırlerde jekeleı jáne juptyq synda bir retten jeńimpaz atandy. Úsh dúrkin fınalǵa deıin jetti.
«Jyldyń úzdik oıynshysy atanǵanyma qýanyshtymyn. Bul – men úshin joǵary baǵa. Jyl boıy jarystarda bar kúshimdi saldym. Maǵan úlken qoldaý kórsetkeni úshin bapkerlerim men Qazaqstan tennıs federatsııasyna alǵysymdy aıtamyn. Kelesi jyly da bıikten kórinýge tyrysamyn», - deıdi Zara Dárken.
