Tennessıde bortynda 20 adam bolǵan ushaq apatqa ushyrady
ASTANA. KAZINFORM – Jeksenbi kúni túste Tennessı shtatyndaǵy áýejaı mańynda bortynda 20 adam bolǵan qos motorly burandaly ushaq apatqa ushyrap, birneshe adam zardap shekti, dep habarlaıdy ABC News.
Polıtsııanyń málimetinshe, apat ushaq Tallahoma áýejaıynan kóterilgennen keıin kóp uzamaı Tennessı shtatyndaǵy Tallahoma qalasynda, Neshvılden ońtústik-shyǵysqa qaraı shamamen 77 mıl jerde jergilikti ýaqyt boıynsha túngi saǵat 12:30 shamasynda boldy.
Tennessı jol patrýli áleýmettik jelide jarııalaǵan sýrette ushaqtyń qulaǵannan keıin tumsyǵy jerge qadalyp, bir qanaty joq ekeni kórinip tur.
Apat saldarynan qaza tapqandar joq. Ushaq bortyndaǵy alty jolaýshy aýrýhanaǵa jatqyzyldy, olardyń bireýiniń jaǵdaıy óte aýyr. Zardap shekkenderdiń ekeýi tikushaqpen, tórteýi kólikpen jetkizildi. Bıliktiń málimetinshe, ushaq bortynda parashıýtshiler bolǵan.
Apattyń sebebin AQSh Azamattyq avıatsııa federaldyq basqarmasy tergep jatyr.
Eske sala ketsek, buǵan deıin San-Dıegoda ushaq apatynan adamdar qaza tapty.
Al Kalıfornııada shaǵyn ushaq turǵyn úılerge soǵyldy.