«Teńizshevroıl» JShS munaı óndirisin jylyna 37-38 mıllıon tonnaǵa jetkizýdi josparlaýda
ATYRAÝ. Qańtardyń 12-si. QazAqparat /Andreı Sokolov/ - Aldaǵy jyldary Atyraý oblysynyń Teńiz kenishinde munaı óndirisi 12 mıllıon tonnaǵa ósip, jyldyq jalpy kórsetkish 37-38 mıllıon tonnaǵa jetetin bolady.
Bul týraly QazAqparat tilshisine «Teńizshevroıl» jaýapkershiligi shekteýli seriktestiginiń strategııalyq josparlaý jáne taldaý bóliminiń aǵa menedjeri Kevın Manefa habarlady.
K.Manefanyń aıtýynsha, kompanııanyń aktsıonerleri qazir munaı óndirisin keńeıtýdiń birneshe nusqasyn qarastyrýda.
2009 jyly «Teńizshevroıl» táýligine 75 myń jýyq tonna, al jyl boıyna 22 mıllıon 530 myń tonna munaı óndirdi jáne Kaspıı qubyr jelisi konsortsıýmy júıesimen, temirjolmen, sondaı-aq Bakýge tankerlermen eksporttady. Bul 2008 jylǵy kórsetkishten 30 paıyzǵa kóp. Al 2010 jyly kompanııa 25-26 mıllıon tonna deńgeıge shyǵýdy josparlap otyr. Teńizdegi óndiristi keńeıtý jobasy aıaqtalǵannan keıin jyldyq kórsetkish 37-38 mıllıon tonnaǵa jetetin bolady.
