«Teńizshevroıl» JShS hakerlerdiń shabýyly jaıly qaýesetti joqqa shyǵardy
ATYRAÝ. QazAqparat - Atyraý oblysynda Teńiz jáne Korolevskıı ken ornyn ázirlep jatqan «Teńizshevroıl» JShS áleýmettik jelide kompanııaǵa hakerler shabýyly týraly paıda bolǵan aqparatty joqqa shyǵardy, dep habarlady «QazAqparat» HAA tilshisi.
«Teńiz ken ornynda da, Atyraýdaǵy bas keńsede de keshenniń barlyq kommýnıkatıvtik júıeleri shtatty rejimde jumys isteýde. Teńizde munaı óndirý, ony eki zaýytta daıyndaý ádettegideı júzege asyrylýda», - dedi JShS-nyń úkimetpen jáne qoǵammen baılanys bóliminiń bas menedjeri Rızabek Artyǵalıev.
Budan buryn NCOC kompanııasynyń serverlerine hakerlik shabýyl jasalǵany habarlanǵan.
