«Teńizshevroıl» qyzmetkerleriniń 84 paıyzyn qazaqstandyqtar quraıdy

Bul týraly «Shevron» kompanııasynyń Qazaqstandaǵy ókildiginiń basshysy Zamıra Qanapııanova Almatyda QazUTÝ stıpendııattaryna sertıfıkat tapsyrý rásiminde aıtty.

«Bizdiń «Teńizshevroıl» birlesken kásipornymyzda jergilikti qyzmetkerlerdiń úlesi 84 paıyzdy quraıdy. Al ár deńgeıdegi basshylyq qyzmetterdiń 77 paıyzyn qazaqstandyqtar atqarady», - dedi ol.

«Shevron» kompanııasy búgingi tańda álemniń 10 memleketindegi 16 úzdik oqý oryndarymen tyǵyz jumys isteıdi. Onyń ishinde, AQSh, Kanada, Ulybrıtanııa jáne Qazaqstan sııaqty memleketter bar.

Al kompanııa Qazaqstandaǵy bilim berýdi qoldaý maqsatynda ár jyldarda QMEBI, Halyqaralyq bıznes akademııasy, Qazaq bas sáýlet qurylys akademııasy, Qazaq memlekettik basqarý akademııasy, Qazaq halyqaralyq qatynastar jáne álem tilderi ýnıversıteti, Qazaq-Brıtan tehnıkalyq ýnıversıteti, Qazaq memlekettik agrotehnıkalyq ýnıversıteti men Qyzdar memlekettik pedagogıkalyq ýnıversıteti sekildi JOO-larǵa qoldaý kórsetip keledi.