Teńizshevroıl bolashaqta kompanııany ulǵaıtýǵa arnalǵan jańa joba daıyndaýda
ALMATY. Qazannyń 7-si. QazAqparat /Erbol Azanbek/ - «Teńizshevroıl» (TShO) kompanııasy 2011 jyly QR Munaı jáne gaz mınıstrligine ulǵaıý jobasy týraly qujat tapsyrady.
Bul týraly búgin Almatyda ótip jatqan KIOGE-2010 konferentsııasy barysynda QR Munaı jáne gaz mınıstri Saýat Myńbaev málim etti.
Mınıstrdiń aıtýynsha, TShO - tabysty kompanııa. «Onyń ótken jobalarynyń bári tabysty túrde júzege asyryldy. Men shıki gazdy sorý zaýytyn meńzep otyrmyn. Óndiris kólemi de turaqty túrde ósýde. TShO bolashaqta kompanııany ulǵaıtýǵa arnalǵan jańa joba daıyndaýda. Ázirshe bul týraly habarlaǵan joq, biraq 2011 jyly mınıstrlikke bul boıynsha arnaıy qujatty usynbaq» dedi S.Myńbaev.
