«Teńizshevroıl» bıyl 26 mln tonna munaı almaq - QR Energetıka mınıstri

ASTANA. QazAqparat - «Teńizshevroıl» kompanııasy bıyl 26,4 mln tonna munaı óndirýdi josparlap otyr. Bul týraly búgin halyqqa esep bergen Energetıka mınıstri Qanat Bozymbaev málim etti.

«Teńizshevroıldy» keńeıtýdi ekonomıkalyq-áleýmettik mańyzdy joba dep esepteımiz. Aldaǵy ýaqytta osy jobany qarjylandyrý boıynsha sheshim qabyldanady. Bul joba 27 mln tonnadan 39 mln tonnaǵa deıin munaı óndirý kólemin arttyrýǵa múmkindik beredi. Al qurylys jumystary kezinde 20 myń jumys orny ashylady. Bul ken ornynyń jańa nysandary 2022 jyly ashylady dep boljanyp otyr»,-dep atap ótti Q.Bozymbaev. 

«Qarashyǵanaq ken ornynda 2016 jyly 11,6 mln tonna munaı men 17,5 mlrd tekshe gaz óndiriledi. Qazirgi ýaqytta Qarashyǵanaqty damytý tujyrymdamasy qarastyrylyp jatyr. Qarashyǵanaqty keńeıtý sheshimin 2017 jyly qabyldap, jańa nysandardy 2022 jyly paıdalanýǵa berý josparlanǵan. Bul joba jańa 6 myń jumys ornyn ashýǵa múmkindik beredi»,-dep habarlady Q.Bozymbaev.