«Teńizshevroıl» 2015 jyldyń І toqsanynda 7,1 mln. tonna munaı óndirdi

ASTANA. QazAqparat - «Teńizshevroıl» 2015 jyldyń І toqsanynda 7,1 mln. tonna munaı óndirdi, dep habarlady atalǵan kompanııanyń baspasóz qyzmetinen.

Kompanııa taratqan aqparatqa sáıkes, shıki munaı Kaspıı qubyr kontsortsıýmynyń qubyry arqyly Novorossııskige, al temir jolmen Odessa, Taman jáne Aqtaýǵa, ári qaraı Batýmı men Kýlevıge eksportqa jiberiledi.

««Teńizshevroıl» suıytylǵan gaz satý kólemin 350 myń tonnaǵa, al qurǵaq gaz satý kólemin 1,86 mıllıard tekshe metrge jetkizdi. 910 myń tonna kúkirt satty. 2015 jyldyń 31 naýryzyndaǵy málimetke sáıkes, kúkirtti satý baǵytyndaǵy tabysty jumys nátıjesinde Teńizde saqtalǵan kúkirt kólemi 8 myń tonnaǵa deıin azaıtyldy», - delingen habarlamada.

Aıta keterligi, «Teńizshevroıl» joǵary sapaly kúkirttiń tórt túrin Jerorta teńizi basseıni men Orta Azııa elderindegi tutynýshylarǵa jáne Qazaqstan, Reseı, Ýkraına, Qytaıǵa ótkizýde.