Teńizdegi oqıǵa: Polıtsııa jalǵan aqparat taratqandar jazalanatynyn eskertti
ATYRAÝ. QazAqparat - Oryn alǵan oqıǵadan soń Teńiz qalashyǵy aýmaǵynda qoǵamdyq tártipti buzýǵa jol berilgen joq. Túsindirme jumystary júrgizildi, qazirgi ýaqytta jaǵdaı turaqty, dep habarlaıdy QazAqparat.
«QR QK 293-babyna («Buzaqylyq») sáıkes sotqa deıingi tergep-tekserý jumystary júrip jatyr. Tergeý aıasynda oqıǵaǵa qatysty adamdardy anyqtaýǵa baǵyttalǵan keshendi jedel tergeý áreketteri júrgizilýde»,- dep habarlady oblystyq polıtsııa departamentiniń baspasóz qyzmetinen.
Sondaı-aq, WhatsApp messendjerinde jáne áleýmettik jelilerde taraǵan Teńiz vahta qalashyǵynda jezókshelikpen aınalysýǵa arnalǵan birneshe prıtonnyń anyqtalǵany týraly aqparat shyndyqqa sáıkes kelmeıdi.
Aıta ketelik, Atyraý oblysy polıtsııa departamenti arandatýǵa boı aldyrmaýǵa jáne shyndyqqa sáıkes kelmeıtin aqparatty taratpaýǵa keńes beredi. Atalǵan zańbuzýshylyq úshin qylmystyq jaýapkershilik kózdelgen.
