Teńizde jataqhana órtenip, eki adam japa shekti
ATYRAÝ. QazAqparat - Atyraý oblysy Teńiz ken ornynda jataqhana órtenip, eki adam japa shekti, dep habarlaıdy «QazAqparat» HAA tilshisi.
«Jeksenbi kúni tústen keıin Jylyoı aýdany Teńiz vahtalyq aýylyndaǵy jataqhanalardyń birinde órt shyqty. Ol jerden 71 adam qaýipsiz jerge shyǵaryldy. Olardyń barlyǵy - sonda turyp jatqan vahtalyq jumysshylar. Ókinishke qaraı, eki adam japa shegip, aýrýhanaǵa jetkizildi. Aldyn ala boljam boıynsha, olar órtten qashamyz dep ekinshi qabattan sekirgen», - dep habarlaıdy Atyraý oblysy ІІD baspasóz hatshysy Nazymgúl Qaısaǵalıeva.
Áleýmettik jelide oqıǵa kýágeri bolǵandardyń aıtýynsha, 500 sharshy metr aýmaqty alyp jatqan jataqhana ǵımaraty túgi qalmaı janyp ketken.
