Teńizde 19 jastaǵy jumysshy býldozerdiń astynda túsip qaza tapty
ATYRAÝ. QazAqparat - Atyraý oblysyndaǵy Teńiz ken ornynda jumysshy qaza tapty, dep habarlaıdy «QazAqparat» HAA tilshisi.
«Qaıǵyly oqıǵa TShO jańa nysanynyń jer qazý jumystarymen aınalysatyn «SA Constraction Group» kompanııasynda bolǵan. Kólik qozǵalysyn retteıtin sıgnalshy bolyp jumys isteıtin Mańǵystaý oblysynyń 19 jastaǵy turǵynyn artqa qaraı júrip bara jatqan býldozer basyp ketken. Jas jigitti konteınerge qysyp jibergen. Ol dáriger kelgenge deıin qaza tapty», - dep habarlady Atyraý oblystyq memlekettik eńbek ınspektsııasy basqarmasynyń basshysy Igilik Áýbákirov.
Jumys ornynda adamnyń qaza tabý faktisi boıynsha tergeý jumystary bastaldy.
