«Teńiz Shevroıl» kompanııasyndaǵy qazaqstandyq úles 40 paıyzǵa jetkiziledi - Á.Isekeshev
ASTANA. QazAqparat - "Teńiz Shevroıl" kompanııasyndaǵy qazaqstandyq úles 40 paıyzǵa jetkiziledi. Bul týraly búgin QR Premer-Mınıstriniń birinshi orynbasary, Indýstrııa jáne jańa tehnologııalar mınıstri Áset Isekeshev málim etti.
"TShO iri kompanııalar ishinde osyndaı úlken kólemdi áriptestikke qol jetkizip otyrǵan alǵashqy kompanııa. Biz QR Úkimetiniń tapsyrmasymen memorandýmǵa qol qoıdyq. Jalpy biz qazaqstandyq úlesti 44 paıyzǵa deıin jetkizýimiz kerek, bul óte úlken maqsat", - dep atap ótti ol mınıstrlikte ótken otyrysta.
Onyń málimetine qaraǵanda, TShO joba boıynsha tolyqqandy aqparat usyndy. Málimetter bazasyna 600-ge tarta qazaqstandyq kompanııa engizilgen.
