Teńiz shaıanyna shabýyldaǵan segizaıaqtyń ıtbalyqqa jem bolǵan sáti vıdeoǵa túsip qalǵan
ASTANA. QazAqparat - Jelide sý astynda segizaıaq (osmınog) pen teńiz shaıanynyń (krab) aıqasy paıda boldy. Ony kalıfornııalyq Montereı qalasy mańyndaǵy jaǵalaýda amerıkandyq akvalangıster túsirip alǵan.
Segizaıaq birneshe ret teńiz shaıanyna shabýyl jasady. Ol qyshqashtaı aıaqtarymen qorǵanyp, qutylmaqqa árekettenip baqty. Qarsylastar sý astyndaǵy qumdy burqyrata biri qashyp, biri qýyp jatqan sátte ǵaıyptan ıtbalyq shyǵa kelip, segizaıaqty bir-aq qylǵytty.
«Sý astyndaǵy saıahatta bizge osy ıtbalyq jıi erip júredi. Ol bizdiń balyq aýlaǵanda qoldanatyn shamymyzdyń jaryǵyn paıdalanýdy da úırengen. Bul joly da bizben birge júzip júrgen bolatyn, biraq aıaq astynan joq bolyp ketti. Biz sý túbinde uly aıqasty kórdik jáne ıtbalyq kelgenshe túsirdik»,- deıdi rolık avtory.
