Teńiz-Novorossıısk qubyr jelisiniń qýattylyǵy artty

ATYRAÝ. QazAqparat - Búgin Kaspıı qubyr jelisi konsortsıýmy (KQK) Atyraý oblysy Aqqystaý kentinde salynǵan jańa munaı aıdaý stantsııasyn paıdalanýǵa berdi, dep habarlaıdy «QazAqparat» HAA tilshisi.

«A-NPS-3A jańa munaı aıdaý stantsııasy - KQK keńeıtý aıasynda salynǵan sońǵy nysan. Ol arqyly júıeniń múmkindigi jylyna 28-den 67 mln tonnaǵa artady. Stantsııa avtomattandyrýdyń joǵary deńgeıine ıe álemdik óndirýshilerdiń zamanaýı jabdyqtarymen jabdyqtalǵan», - dep habarlady KQK-Qazaqstan baspasóz qyzmeti.

Atalmysh nysannyń qurylysy 2013 jyldyń tamyzynda bastalǵan. 2016 jyldyń jazynda nysandy salý kezinde 600-den astam jumysshy eńbek etti.

Stantsııanyń ashylý rásimine KQK bas dırektory Nıkolaı Gorban, Atyraý oblysynyń ákimi Nurlan Noǵaev, KQK aktsıonerler ókilderi qatysty.

KQK qubyr jelisi júıesi - TMD aýmaǵynda sheteldik kapıtaldyń qatysýymen energetıka salasyndaǵy iri ınvestıtsııalyq jobalardyń biri. Teńiz-Novorossıısk qubyr jelisiniń uzaqtyǵy 1 511 shaqyrymdy quraıdy.