Teńiz qurttarynan jasandy qan óndirildi
ASTANA. 3 qarasha. QazAqparat - Rýmyn ǵalymdary teńiz qurttarynan jasandy qan óndirdi. Kemirgishterge jasalǵan synaq alynǵan qandy naýqastarǵa qoldanýǵa bolatynyn kórsetti.
Bul jaıly Segodnya.ua portaly habarlaıdy. Jasandy qan sý, tuz jáne gemerıtrın temirli aqýyzynan turady. Qanǵa ottegi jibere alatyn gemerıtrın aqýyzy teńiz qurttarynan (kópqylshyqty qurttar nemese polıhetter) alynǵan. Aldaǵy jyldary jasandy qan nıet bildirgen naýqastarǵa klınıkalyq synaq retinde qoldanylmaq. Ǵalymdardyń aıtýynsha, tuz ben temirli aqýyzdan jasalǵan qandy uzaq saqtaýǵa bolady ári onyń qatty formada bolýy tasymaldaýdy jeńildetedi, qajet kezde sýdyń kómegimen suıyq qanǵa aýystyrý ońaı. Eń bastysy, jańadan óndirilgen zat qan tapshylyǵy máselesin sheshedi, dep jazady «Alash aınasy» basylymy.
