Teńiz kóligi kásipkerleri qaýymdastyǵynyń uıymdastyrýymen dóńgelek ústel ótedi
ASTANA. Qańtardyń 19-y. QazAqparat - Qańtardyń 21-ide elordada Teńiz kóligi kásipkerleri qaýymdastyǵynyń uıymdastyrýymen «QR-daǵy teńiz kóligi qyzmetiniń problemaly máselelerin talqylaý» taqyrybynda dóńgelek ústel ótedi.
Bul aqparatty atalǵan qaýymdastyqtyń baspasóz qyzmeti taratyp otyr.
Alqaly jıynǵa qatysýshylar otandyq teńiz kóliginiń ózekti máselelerin talqyǵa salmaq. Ataı aıtqanda, Qazaqstandaǵy teńiz saýda jolyn retteýdiń negizgi sıpattary, elimizdegi teńiz kóliginiń qazirgi zamanǵy damýy, Qazaqstan úshin teńiz kóligin damytýdyń mańyzdylyǵy, teńiz kóligi qyzmetin retteıtin zańnamany jetildirý sııaqty máseler qozǵalady.
Dóńgelek ústel jumysyna QR Parlamenti Májilisiniń depýtattary, memlekettik organdardyń músheleri, teńiz kóligi salasyndaǵy tanymal halyqaralyq sarapshylar, sondaı-aq keme jáne kólik kompanııalarynyń ókilderi qatysady.
