Teńiz kentinde bir elektrshi qaza bolyp, ekinshisi japa shekti

ATYRAÝ. QazAqparat  - Atyraý oblysynyń Jylyoı aýdanyndaǵy Teńiz vahtalyq kentinde bir kúnde eki oqys oqıǵa oryn aldy, dep habarlady «QazAqparat» HAA tilshisi. 

«Keshki saǵat segizder shamasynda «Atyraý-Jaryq» AQ kezekshi elektrshsi - 40 jastaǵy er adamdy toq urǵan. Qolyn kúıik shalǵan ol jedel járdemmen Qulsary qalasynyń aýrýhanasyna jatqyzyldy», - delingen Atyraý oblysy Tótenshe jaǵdaılar departamentiniń baspasóz qyzmeti taratqan habarlamada. 

Osy oqıǵadan bir jarym saǵat ótkennen keıin, taǵy bir elektrshiniń basyna shatyr qulaǵan. Aýyr jaraqattyń saldarynan ol sol orynda til tartpaı ketti.