«Teńiz» kenishiniń jumysshylary Aqtóbede koronavırýs boıynsha tekserilip jatyr
AQTÓBE. QazAqparat – Aqtóbege Atyraýdan bir top jumysshy keldi. Olardan analız alyndy. Іndet anyqtalmasa, eki kúnnen soń bári úıine jiberiledi, dep habarlaıdy QazAqparat tilshisi.
«Búgin Atyraýdan bir top jumysshy keldi. Barlyǵy 432 turǵyn. Olar qabyldandy, karantındik gospıtalge jatqyzyldy. Laboratorııalyq tekserýge qajetti analız alyndy. Zertteý nátıjesine baılanysty sheshim qabyldanady. Eger eshkimnen indet anyqtalmasa, úıdegi karantınge jiberiledi. Eger anyqtalsa, ár adamǵa jeke sheshim qabyldanady. Qazir eshqaısysynda dene qyzýy joq», - dedi oblystyq densaýlyq saqtaý basqarmasynyń basshysy Áset Qalıev.
Aıta keteıik, vahtalyq ádispen jumys istep júrgen adamdardyń arasynda aýdan turǵyndary da bar. Barlyǵy 1847 adam kezeń-kezeńimen 1 mamyrǵa deıin kelip bolady. Al búgin jetkizilgenin polıtsııa men dárigerler temirjol vokzalynan arnaıy kútip alyp, karantındik gospıtalderge ornalastyrdy. Poıyz jol boıy Qandyaǵash stansasyna toqtap, sol jerden dárigerler mindi.
