Teńiz kenishiniń 3 jumysshysy jansaqtaý bóliminde jatyr
ATYRAÝ. QazAqparat – Atyraý oblysynda Teńiz kenishiniń qaýipti indet juqtyrǵan 3 jumysshysy jansaqtaý bóliminde jatyr, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetinshe, 56, 39 jáne 38 jastaǵy jumysshynyń jaǵdaıy aýyr. Olar ókpeni jasandy jeldetý apparatyna qosylǵan. Patsıentter qarqyndy em alyp jatyr.
«Jansaqtaý bóliminde 4 patsıent em qabyldaǵan edi. Bireýiniń jaǵdaıy jaqsaryp, jaı palataǵa aýystyryldy. Qazir onyń jaǵdaıy turaqty», - dep habarlady jedel shtabtan.
Búgin Teńiz kenishinde 230 oryndyq ınfektsııalyq statsıonar ashylǵanyn habarlaǵan edik.
